רִבּוֹנוֹ שֶׁל עוֹלָם הֲרֵֽינִי מוֹחֵל לְכָל-מִי שֶׁהִכְעִיס וְהִקְנִיט אוֹתִי אוֹ שֶׁחָטָא כְּנֶגְדִּי בֵּין בְּגוּפִי בֵּין בְּמָמוֹנִי בֵּין בִּכְבוֹדִי בֵּין בְּכָל אֲשֶׁר לִי בֵּין בְּאֹֽנֶס בֵּין בְּרָצוֹן בֵּין בְּשׁוֹגֵג בֵּין בְּמֵזִיד בֵּין בְּדִבּוּר בֵּין בְּמַעֲשֶׂה בֵּין בְּגִלְגּוּל זֶה בֵּין בְּגִלְגּוּל אַחֵר לְכָל-בֶּן-אָדָם וְלֹא יֵעָנֵשׁ שׁוּם אָדָם בְּסִיבָּתִי : יְהִי רָצוֹן מִלְפָנֶיךָ ה' אֱלֹקַי וְאֱלֹקֵי אֲבוֹתַי שֶׁלֹא אֶחֱטָא עוֹד וְלֹא אֶחֱזֹר בָּהֶם, וְלֹא אָשׁוּב עוֹד לְהַכְעִיסֶֽךָ וְלֹא אֶעֱשֶׂה הָרַע בְּעֵינֶֽיךָ, וּמָה שֶּׁחָטָֽאתִי לְפָנֶֽיךָ מְחֹק בְּרַחֲמֶיךָ הָרַבִּים, אֲבָל לֹא עַל-יְדֵי יִסוּרִים וְחֳלָיִם רָעִים: יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ, ה' צוּרִי וְגֹאֲלִי:

בָּרוּךְ אַתָּה ה' אֱלֹקֵֽינוּ מֶלֶךְ הָעוֹלָם, הַמַּפִּיל חֶבְלֵי שֵׁנָה עַל-עֵינָי וּתְנוּמָה עַל-עַפְעַפָּי, וּמֵאִיר לְאִישׁוֹן בַּת עַיִן יְהִי רָצוֹן מִלְפָנֶיךָ ה' אֱלֹקַי וְאֱלֹקֵי אֲבוֹתַי שֶׁתַּשְׁכִּיבֵנִי לְשָׁלוֹם וְתַעֲמִידֵנִי לְחַיִּים טוֹבִים וּלְשָׁלוֹם, וְתֵן חֶלְקִי בְּתוֹרָתֶךָ, וְתַרְגִּילֵנִי לִדְבַר מִצְוָה, וְאַל תַּרְגִּילֵנִי לִדְבַר עֲבֵרָה, וְאַל תְּבִיאֵנִי לִידֵי חֵטְא וְלֹא לִידֵי נִסָּיוֹן וְלֹא לִידֵי בִּזָיוֹן, וְיִשְׁלֹט בִּי יֵצֶר טוֹב וְאַל יִשְׁלֹט בִּי יֵצֶר הָרָע, וְתַצִילֵנִי מִשָּׂטָן וּמִפֶּגַע רָע וּמֵחֳלָיִם רָעִים. וְאַל יְבַהֲלוּנִי רַעֲיוֹנַי וַחֲלוֹמוֹת רָעִים וְהַרְהוֹרִים רָעִים, וּתְהִי מִטָּתִי שְׁלֵמָה לְפָנֶיךָ, וְהָאֵר עֵינַי פֶּן אִישַׁן הַמָּוֶת. בָּרוּךְ אַתָּה ה' הַמֵּאִיר לָעוֹלָם כֻּלוֹ בִּכְבוֹדוֹ:

אֵל מֶלֶךְ נֶאֱמָן:

שְׁמַע יִשְׂרָאֵל ה' אֱלֹקֵינוּ ה' אֶחָד: 

בָּרוּךְ שֵׁם כְּבוֹד מַלְכוּתוֹ לְעוֹלָם וָעֶד:

וְאָהַבְתָּ אֵת ה' אֱלּקֶיךָ, בְּכָל לְבָבְךָ, וּבְכָל נַפְשְׁךָ, וּבְכָל מְאֹדֶךָ: וְהָיוּ הַדְּבָרִים הָאֵלֶה אֲשֶׁר אָנֹכִי מְצַוְּךָ הַיוֹם עַל-לְבָבְךָ: וְשִׁנַּנְתָּם לְבָנֶיךָ וְדִבָּרְת בָּם, בְּשִׁבְתְּךָ בְּבֵיתֶךָ, וּבְלֶכְתְּךָ בַדֶּרֶךְ, וּבְשָׁכְבְּךָ, וּבְקוּמֶךָ: וּקְשַׁרְתָּם לְאוֹת עַל-יָדֶךָ, וְהָיוּ לְטֹטָפוֹת בֵּין עֵינֶיךָ: וּכֽתַבְתָּם עַל-מְזֻזוֹת בֵּיתֶךָ, וּבִשְׁעָרֶיךָ:

וְהָיָה אִם-שָׁמֹעַ תִּשְׁמְעוּ אֶל-מִצְוֹתַי אֲשֶׁר אָנֹכִי מְצַוֶה אֶתְכֶם הַיוֹם, לְאַהֲבָה אֶת-ה' אֱלֹהֵיכֶם וּלְעָבְדוֹ בְּכָל-לְבָבְכֶם וּבְכָל-נַפְשְׁכֶם: וְנָתַתִּי מְטַר-אַרְצְכֶם בְּעִתּוֹ יוֹרֶה וּמַלְקוֹשׁ, וְאָסַפְתָּ דְּגָנֶךָ וְתִירֹשְׁךָ וְיִצְהָרֶךָ: וְנָתַתִּי עֵשֶׂב בְּשָׂדְךָ לִבְהֶמְתֶּךָ, וְאָכַלְתָּ וְשָׂבַעְתָּ: הִשָׁמְרוּ לָכֶם פֶּן-יִפְתֶּה לְבַבְכֶם, וְסַרְתֶּם וַעֲבַדְתֶּם אֱלֹקִים אֲחֵרִים וְהִשְׁתַּחֲוִיתֶם לָהֶם: וְחָרָה אַף-ה' בָּכֶם וְעָצַר אֶת-הַשָּׁמַיִם וֽלֹא-יִהְיֶה מָטָר וְהָאֲדָמָה לֹא תִתֵּן אֶת-יְבוּלָה, וַאֲבַדְתֶּם מְהֵרָה מֵעַל הָאָרֶץ הַטֹּבָה אֲשֶׁר ה' נֹתֶן לָכֶם: וְשַׂמְתֶּם אֶת-דְּבָרַי אֵלֶה עַל-לְבַבֽכֶם וְעַל-נַפְשְׁכֶם, וּקֽשַׁרְתֶּם אֹתָם לְאוֹת עַל-יֶדְכֶם וְהָיוּ לְטוֹטָפוֹת בֵּין עֵינֵיכֶם: וְלִמַּדְתֶּם אֹתָם אֶת-בְּנֵיכֶם לְדַבֵּר בָּם, בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּבְשָׁכְבְּךָ וּבְקוּמֶךָ: וּכְתַבְתָּם עַל-מְזוּזוֹת בֵּיתֶךָ וּבִשְׁעָרֶיךָ: לְמַעַן יִרְבּוּ יְמֵיכֶם וִימֵי בְנֵיכֶם עַל הָאֲדָמָה אֲשֶׁר נִשְׁבַּע ה' לַאֲבֹתֵיכֶם לָתֵת לָהֶם, כִּימֵי הַשָּׁמַיִם עַל-הָאָרֶץ:

וַיֹאמֶר ה' אֶל-מֹשֶׁה לֵאמֹר: דַבֵּר אֶל-בְּנֵי יִשְׂרָאֵל וְאָמַרְתָּ אֲלֵהֶם וְעָשׂוּ לָהֵם צִיצִת עַל-כַּנְפֵי בִּגְדֵיהֶם לְדֹרֹתָם וְנָתְנוּ עַל-צִיצִית הַכָּנָף פְּתִיל תְּכֵלֶת: וְהָיָה לָכֶם לְצִיצִת וּרְאִיתֶם אֹתוֹ וּזְכַרְתֶּם אֶת-כָּל-מִצְוֹת ה' וַעֲשִׂיתֶם אֹתָם, וְלֹא תָתוּרוּ אַחֲרֵי לְבַבְכֶם וְאַחֲרֵי עֵינֵיכֶם אֲשֶׁר-אַתֶם זֹנִים אַחֲרֵיהֶם: לְמַעַן תִּזְכְּרוּ וַעֲשִׂיתֶם אֶת-כָּל-מִצְוֹתָי, וִהְיִתֶם קְדֹשִׁים לֵאלֹקֵיכֶם: אֲנִי ה' אֱלֹקֵיכֶם אֲשֶׁר הוֹצֵאתִי אֶתְכֶם מֵאֶרֶץ מִצְרַים לִהְיוֹת לָכֶם לֵאלֹקִים, אֲנִי ה' אֱלֹקֵיכֶם: אֱמֶת.

וִיהִי נֹעַם אֲדֹנָ-י אֱלֹקֵינוּ עָלֵינוּ, וּמַעֲשֶׂה יָדֵינוּ כּוֹנְנָה עָלֵינוּ, וּמַעֲשֶׂה יָדֵינוּ כּוֹנְנֵהוּ: יֹשֵׁב בְּסֵתֶר עֶלְיוֹן, בְּצֵל שַׁדַּי יִתְלוֹנָן: אֹמַר לַה' מַחֲסִי וּמְצוּדָתִי, אֱלֹקַי אֶבְטַח-בּוֹ: כִּי הוּא יַצִילְךָ מִפַּח יָקוּשׁ, מִדֶּבֶר הַוּוֹת: בְּאֶבְרָתוֹ יָסֶךְ לָךְ וְתַחַת-כְּנָפָיו תֶּחְסֶה, צִנָה וְסֹחֵרָה אֲמִתוֹ: לֹא-תּירָא מִפַּחַד לַיְלָה, מֵחֵץ יָעוּף יוֹמָם: מִדֶּבֶר בָּאֹפֶל יַהֲלֹךְ, מִקֶּטֶב יָשׁוּד צָהֳרַיִם: יִפֹּל מִצִּדְךָ אֶלֶף וּרְבָבָה מִיְמִינֶךָ, אֵלֶיךָ לֹא יִגָשׁ: רַק בְּעֵינֶיךָ תַּבִּיט, וְשִׁלֻמַת רְשָׁעִים תִּרְאֶה: כִּי-אַתָּה ה' מַחֲסִי, עֶלְיוֹן שַׂמְתָּ מְעוֹנֶךָ: לֹא-תְאֻנֶה אֵלֶיךָ רָעָה, וְנֶגָע לֹא-יִקְרַב בְּאָהֳלֶךָ: כִּי מַלְאֲכָיו יְצָוֶה-לְךָ לִשְׁמֹרְךָ בְּכָל-דְרָכֶיךָ: עַל-כַּפַּיִם יִשָׂאוּנְךָ, פֶּן תִּגֹּף בָּאֶבֶן רַגְלֶךָ: עַל שַׁחַל וָפֶתֶן תִּדְרֹךְ, תִּרְמֹס כְּפִיר וְתַנִין: כִּי בִּי חָשַׁק וַאֲפָלְטֵהוּ, אַשָׂגְבֵהוּ כִּי-יָדַע שְׁמִי: יִקְרָאֵנִי וְאֶעֱנֵהוּ, עִמוֹ-אָנֹכִי בְּצָרָה, אַחֲלְצֵהוּ וַאֲכַבְּדֵהוּ: אֹרֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי: אוֹרֶךְ יָמִים אַשְׂבִּיעֶהוּ וְאַרְאֵהוּ בִּישׁוּעָתִי:

ה' מָה-רַבּוּ צָרַי, רַבִּים קָמִים עַלָי: רַבִּים אֹמְרִים לְנָפְשִׁי, אֵין יְשׁוּעָתָה לוֹ בְאֱלֹקִים סֶלָה: וְאַתָּה ה' מָגֵן בַּעֲדִּי, כְּבוֹדִי וּמֵרִים רֹאשִׁי: קוֹלִי אֶל-ה' אֶקְרָא, וַיַעֲנֵנִי מֵהָר קָדְשׁוֹ, סֶלָה: אָנִי שָׁכַבְתִּי וָאִישָׁנָה, הֲקִיצוֹתִי, כִּי ה' יִסְמְכֵנִי: לֹא-אִירָא מֵרִבְבוֹת עָם, אֲשֶׁר סָבִיב שָׁתוּ עָלַי: קוּמָה ה', הוֹשִׁיעִי אֱלֹקַי, כִּי הִכִּיתָ אֵת כָּל-אוֹיְבַי לֶחִי, שִׁנֵי רְשָׁעִים שִׁבָּרְתָּ: לה' הַיְּשׁוּעָה, עַל עַמְךָ בִּרְכָּתֵךָ סֶלָה: הַשְׁכִּיבֵנו ה' אֱלֹקֵינוּ לְשָׁלוֹם, וְהַעֲמִידֵנוּ מַלְכֵּנוּ לְחַיִים טוֹבִים וּלְשָׁלוֹם, וּפְרֹשׂ עָלֵינוּ סֻכַּת שְׁלוֹמֶךָ, וְתַקְנֵנוּ בְּעֵצָה טוֹבָה מִלְפָנֵיךָ, וְהוֹשִׁיעֵנוּ מְהֵרָה לְמַעַן שְׁמֶךָ, וְהָגֵן בַּעֲדֵנוּ, וְהָסֵר מֵעָלֵינוּ אוֹיֵב דֶּבֶר, וְחֶרֶב, וְרָעָב, וְיָגוֹן, וְהָסֵר שָׂטָן מִלְפָנֵינוּ וּמֵאַחֹרֵינוּ וּבְצֵל כְּנָפֶיךָ תַּסְתִּירֵנוּ, כִּי אֵל שׁוֹמְרֵנוּ וּמַצִילֵנוּ אַתָּה, כִּי אֵל מֶלֶךְ חָנוּן וְרַחוּם אַתָּה. וּשְׁמֹר צֵאתֵנוּ וּבוֹאֵנוּ לְחַיִים וּלְשָׁלוֹם מֵעַתָּה וְעַד עוֹלָם: בָּרוּךְ ה' בַּיוֹם, בָּרוּךְ ה' בַּלַיְלָה, בָּרוּךְ ה' בְּשָׁכְבֵנוּ, בָּרוּךְ ה' בְּקוּמֵנוּ, כִּי בְּיָדְךָ נַפְשׁוֹת הָחַיִים וְהַמֵּתִים. אֲשֶׁר בְּיָדוֹ נֶפֶשׁ כָּל-חַי וְרוּח כָּל-בְּשָׂר אִישׁ. בְּיָדְךָ אַפְקִיד רוּחִי, פָּדיתָ אוֹתִי ה' אֵל אֶמֶת. אֱלֹקֵינוּ שֶׁבַּשָׁמַיִם, יָחֵד שִׁמְךָ וְקַיֵם מַלְכוּתְךָ תָּמִיד, וּמְלֹךְ עָלֵינוּ לְעוֹלָם וָעֶד: יִרְאוּ עֵינֶינוּ, וְיִשְׂמָח לִבֵּנוּ, וְתָגֵל נַפְשֶׁנוּ בִּישׁוּעָתְךָ בֶּאֱמֶת, בּאֱמֹר לְצִיוֹן מָלַךְ אֱלֹקַיךְ. ה' מֶלֶךְ, ה' מָלַךְ, ה' יִמְלוֹךְ לְעוֹלָם וָעֵד. כִּי הַמַלְכוּת שֶׁלְךָ הִיא וּלְעוֹלְמֵי עַד תִּמְלֹךְ בְּכָבוֹד, כִּי אֵין לָנוּ מֶלֶךְ אֶלָא אַתָּה:

הַמַּלְאָךְ הַגֹּאֵל אֹתִי מִכֹּל-רָע יְבָרֵךְ אֶת-הַנְּעָרִים, וִיקָרֵא בָּהֵם שְׁמִי וְשֵׁם אֲבֹתַי אַבְרָהָם וְיִצְחָק, וְיִדְגוּ לַרֹב בְּקֶרֶב הָאָרֶץ:

וַיֹאמֶר אִם-שמע תשמע לקול ה' אלקיך, והישר בעיניו תעשה, והאזנת למצותיו, ושמרת כל-חקיו, כל המחלה אשר שמתי במצרים לא-אשים עליך, כי אני ה' רפאך:
ויאמר ה' אל השטן, יגער ה' בך השטן, ויגער ה' בך, הבחר בירושלים, הלא זה אוד מוצל מאש:
הנה מטתו שלשלמה, ששים גבורים סביב לה מגברי ישראל: כלם אחזי חרב מלמדי מלחמה, איש חרבו על-ירכו, מפחד בלילות:
ג"פ: יברך ה' וישמרך: יאר ה' פניו אליך ויחנך: ישא ה' פניו אליך וישם לך שלום:
ג"פ: הנה לא ינום ולא יישן שומר ישראל:
ג"פ: לישועתך קויתי ה': קויתי ה' לישועתך: ה' לישועתך קויתי:
ג"פ: בשם ה' אלקי ישראל, מימיני מיכאל, ומשמאלי גבריאל, ומלפני אוריאל, ומאחורי רפאל, ועל ראשי שכינת אל:

יש הנוהגים לומר ד' מזמורים ראשונים של תהלים: